Fréttir / Ágúst / 2013

30. ágúst 2013

Kúla leitar á náðir almennings með fjármögnun

Fyrirtækið Kúla Inventions Ltd. hefur á síðustu mánuðum unnið að þróun á lausn fyrir þá sem langar til að taka þrívíddarmyndir með SLR myndavélinni sinni í stað þess að fjárfesta í þrívíddarmyndavél. Frumgerð af lausninni, Kúla Deeper, er tilbúin og hugbúnaðurinn á bak við vöruna en fjármagn vantar til að koma fyrstu framleiðslulotunni af stað.

›› Meira

30. ágúst 2013

Umfjöllun um SagaPro í Healthy Living

SagaPro er eina íslenska náttúruvaran sem farið hefur í gegnum klíníska rannsókn. Rannsóknin sýndi fram á að SagaPro fækkar þvaglátatíðni hjá þeim sem eru með litla eða minnkaða blöðrurýmd auk þess að leiða í ljós að SagaPro er örugg vara sem þolist vel.

›› Meira

29. ágúst 2013

Uppskeruhátíð sumarstarfsmanna 2013

Í sumar voru 28 nemar í háskólum landsins ráðnir til Nýsköpunarmiðstöðvar Íslands í gegnum vinnumarkaðsátak Vinnumálastofnunar. Starfsmennirnir komu saman í síðustu viku á uppskeruhátíð sumarstarfsmanna og héldu örkynningar á verkefnum sínum.

›› Meira

28. ágúst 2013

Nýsköpunarkeppni í matvæla- og líftækni

Matís og Landsbankinn hafa komið á fót nýsköpunarkeppni fyrir viðskiptahugmyndir, í matvæla- og líftækniiðnaði, sem byggðar eru á íslensku hráefni eða hugviti. Samkeppnin ber yfirskriftina „Þetta er eitthvað annað" og vísar til þess að umræðu um nýjungar í atvinnulífi lýkur oft á þann hátt að „hægt er að gera eitthvað annað".

›› Meira

26. ágúst 2013

Raddlist gefur út smáforritið "Kids Sound Lab"

Fyrirtækið Raddlist ehf. hefur gefið út smáforritið "Kids Sound Lab" fyrir spjaldtölvu (iPad). Bryndís Guðmundsdóttir talmeinafræðingur notar í þessu nýja smáforriti sömu aðferðafræði og hún hefur þróað um árabil í starfi sínu á Íslandi í framleiðslu á náms- og þjálfunarefninu ,,Lærum og leikum með hljóðin".

›› Meira

23. ágúst 2013

Tækifæri falin í álframleiðslu

Samtök iðnaðarins ásamt Hönnunarmiðstöð, Svensk aluminium og fleiri norrænum samtökum standa fyrir ráðstefnu um tækifærin sem felast í framleiðslu á áli hér á landi fyrir íslensk fyrirtæki og hvernig megi nýta íslenska álframleiðslu sem drifkraft til nýsköpunar.

›› Meira

21. ágúst 2013

Næsta úthlutun í Hönnunarsjóð Auroru

Næsta úthlutun úr Hönnunarsjóði Auroru verður í nóvember 2013. Frestur til að skila inn umsóknum rennur út 15. september. Hönnunarsjóður Auroru hefur að markmiði að skjóta styrkum stoðum undir íslenska hönnun með því að veita hönnuðum og arkitektum fjárhagslega aðstoð.

›› Meira

21. ágúst 2013

Örfá sæti laus á skapandi vinnustofu!

Föstudaginn 23. ágúst frá kl. 13:00 - 15:15 heldur Nýsköpunarmiðstöð Íslands vinnustofu fyrir frumkvöðla í skapandi greinum. Á vinnustofunni verður Business Model Canvas aðferðafræðin kynnt ásamt KreaNord Investor sem er ný leið fyrir lítil og meðalstór fyrirtæki innan skapandi greina í leit að fjárfestum.

›› Meira

20. ágúst 2013

Rafeindasmásjá framleiðir íhlut

Rafeindasmásjá Nýsköpunarmiðstöðvar er til margra hluta nytsamleg eins og sjá má berlega á samstarfsverkefni við Háskóla Íslands við gerð íhluta sem snúa m.a. annars að víxlverkun ljóss og efnis. Myndin hér fyrir ofan sýnir gullyfirborð sem mótað er á nanóskala með hjálp rafeindasmásjár á Nýsköpunarmiðstöð Íslands.

›› Meira
Hunang vefstofa Merki Hunang vefstofu